SPORTS News–Ginpaguwa eon it National Basketball Association ro desisyon kara angot sa panibag-ong iskandalo nga ginakaeakutan ni NBA rising star Ja Morant kon sa siin uman raya nakitaan it baril samtang naka-live sa anang social media account.
Base sa desisyon it NBA, si Ja Morant hay indi pwede maghampang sa sueod it 25 games, pag-abot it regular season para sa 2023-2024.
Ro nasambitang desisyon hay base eon man sa naging deliberasyon it NBA sa gintawag nandang ‘reckless behavior’ ni Morant.
Makaron nga dag-on, raya eon ro pangaywang suspensyon nga ginpaguwa it NBA kontra kay Morant, matapos ro unang ginakaeakutan kara ko Marso it presenteng dag-on.
Sa nasambitang iskandalo, ginsuspinde man kato si Morant it waeong NBA Games ag nagpaidaeom raya sa counselling ag therapy.
Samtang, ginbaton man it Memphis Grizzlies ro naging desisyon it liga.
Base sa naging statement it Grizzlies, ginarespeto nanda ro nasambit nga desisyon it liga.
Nakabaehag sa statement it Grizzlies nga naintindihan it bilog nga team ro standards it NBA, nga dapat hay sundon it kada staff, ag manughampang.
