Ginpatigayon kahapon ro ground breaking ceremony para sa pagpa-ayos it covered court sa Kalibo Pastrana Park.
Naging posible ro nasambit nga proyekto bangud sa ginpaabot nga bulig ni Senador Risa Hontiveros.
Sa anang diskurso, ginpahayag ni Kalibo mayor Juris Sucro nga memorable kana ro nasambit nga covered court bangud nga naging proyekto nana raya kat imaw hay nagpungko bilang sangguniang bayan member it Kalibo.
Ro covered court sigon hay paga-obrahon nga air condition ag paga-ayuson ro anang façade (fasad) agud nga makadungan sa iba pang mga covered court it mga maumwad nga capital town sa nasyon.
Ginpasiguro man nana nga pinaagi sa proyekto hay mas maabu nga mga residente it Kalibo ro makapanipueos sa pagpatigayon it nagkaeain-eain nga programa it banwa partikular ro mga liga.
Nasayuran nga nagtau man it donasyon sa proyekto si USWAG Ilonggo partylists Rep. Jojo Ang.
Ro okasyon hay gintambungan it mga opisyal ag empleyado it DPWH , contractor it proyekto, Aklan 1st district Cong. Carlito Marquez ag iba pang opisyal it LGU Kalibo ag barangay council it Poblacion Kalibo .
