Nagpahayag it padayon nga pagpamaeabag ro Group of 7 sa mapeligrong paggamit it China Coast guard ag maritime militia sa gina-agawang kaeawran ag padayon nga pagharang sa ibang nasyon halin sa hilway nga pag-eayad sa high seas.
Ro nasambit nga pahayag hay kasunod it andang summit nga ginpatigayon sa Apulia, Italy.
Suno kana, nagapabilin sandang nagakabaeaka sa sitwasyon sa disputed waters ag gin-insister ro andang hugot nga pagpamaeabag sa anumang unilateral attempt para bag-uhon ro status quo it pwersahan.
Ginpaabot it Group of 7 ro grabeng kabaeaka sa paggamit it mapeligrong maniobra ag water cannons kontra sa mga barko it Philippine Coast Guard, Bureau of Fisheries Aquatic Resources ag chartered supply ships.
Angot kara, nagpanindugan ro Group of 7 nga uwa it legal nga basehan para sa maeapnagong maritime claims it China sa disputed waters ag ginapamaeabagan man it grupo ro militarisasyon it China ag ro intimidation activities sa nasambit nga kaeawran.
Gin-insister man it G7 ro United Nations Convention on the Law of the Sea ukon UNCLOS ag sa 2016 ruling sa arbitral case it Pilipinas nga nagapaduea it bisa sa 9-dash line claim it China.
