Kalibo Aklan——-Sangka grupo it mga kaeaeakin-an ro natigayon nga naaprehend it Kalibo PNP ag naiturn-over sa natungdan kara nga barangay officials agud nga imponeran it sanction bangud sa pag-eabag sa ginapatuman nga curfew sa banwa it Kalibo.
Ro nasambit nga grupo nga ginaeakipan it tatlo ka mga indibidwal hay nadakpan sa national highway nga sakop it Brgy. Tigayon, Kalibo kon sa siin nagpangsamad pa ro mga it signages sa nasambit nga lugar.
Nataeopangdan dugang nga una ro mga raya sa idaeom it impluwensya it aeak.
Sanda hay nadakpan it barangay action team sa nagapadayon nga oplan sita sandig sa ginapatuman nga curfew ordinance kamana man agud nga matapna ro pagkalhit it deadly virus nga COVID-19.
Sa pihak kara, padayon gihapon ro pagpadumdom it mga health authorities nga sundon ro ginapatuman nga minimum health protocols agud nga malikawan ro pagkalhit it virus.
Nasayuran nga nag-umpisa eon ro vaccination rollout sa probinsya it Aklan kon sa siin unang ginbakunahan ro mga medical healthcare workers.
