Ginaklaro sa makaron it sangka grupo it mga manugturo nga bukon sanda it kontra sa liderato it Department of Education (DepEd) ukon maging sa gobyerno.
Kasunod raya it pagpabutyag nanda it andang baeatyagon may kaangtanan sa kakueangan it nagakaigo nga pahuway samtang pasueod eon ro panibag-ong school year.
Suno kay Teacher’s Dignity Coalition chairman Benjo Basas, ginapabutyag eamang nanda ro mga huna-huna ag baeatyagon it andang kapwa manugturo bangud paeariho eamang sigon sanda nga apektado it makarondayang sitwasyon.
Gin-insister pa kara nga sandig sa laye, kinahangean it sangka manugturo ro bastante nga pahuway ag iba pang tawohan it mga skwelahan.
Samtang, handum sigon it andang grupo nga maka-istorya si Vice President Sara Duterte ag sekretarya it DepEd, para mapaathag nanda ro iba pang sentimiyento.
