Nagaeaum ro grupo it Smoke Free Aklan nga magasunod ro mga festival goers ag deboto sa probisyon it Executive Order No. 2 Series of 2023 nga ginpagguwa ni Mayor Juris Bautista-Sucro angot sa pagbawae it pagpanigarilyo ag paggamit it vape sa pampublikong lugar eabi pa ag maga-umpisa eon ro week-long celebration it Kalibo Sr. Sto. Niño Ati-atihan Festival 2023.
Suno kay Jeus Rey Padilla, Smoke Free Aklan Project Coordinator nga dapat masiguro ro smoke free environment sa kabilugan it selebrasyon.
Raya hay para maproteksyunan ro ikaayong eawas it mga pumueoyo.
Nakabaehag man sa regulasyon it Anti-Smoking Ordinance ro pilang penalidad kung siin ro 1st offense hay pagapanaugan it P500 nga multa; 2nd offense hay P2,000 ag 3rd offense hay P2,500 hasta P5,000.
Angot kara, nagapati si Psyche Mae Ruiz, Provincial Tobacco Control Coordinator nga dapat maging strikto ro kapulisan sa pagpatuman it laye.
Ginpunto kara nga kinahang-ean makaangkon it ngipon ro ordinansa agud nga indi mabalewala.
Eubos sigon ro andang pagkadismaya ko nagtaliwan nga opening salvo kung siin maabu ro andang nakit-an nga mga pamatan-on nga nagagamit it sigarilyo ag vape nga makahaealit sa ikaayong eawas
