Gin-insister makaron it Bayan Muna nga bukon it trabaho it soldado nga magtinir sa civilian community it mabuhay nga inadlaw partikular sa lugar it mga leader it people’s organization.
Gintumod ni Bayan Muna representative Teddy Casiño ro presensya it 301st infantry brigade division it Armed Forces of the Philippines kon siin ginasugid nga nagapahangrass ro mga raya it mga lider it organisasyon nga nagapatigayon it mga pag-alsa ag rally sa probinsya it Aklan.
Suno kay Casiño bukon it rason ro ginahambae it mga kasoldadohan nga nagaproseso sanda it mga kinahang-eanon it mga kubos ag senior citizen bangud nga may natungdan nga ahensya it gobyerno nga sanda ro nagadumaea kara.
Ginakabig ni Casiño nga bukon it makatarungan ro presensya it mga kasoldaduhan bangud nga ginakabig nanda ro mga leader it progresibong grupo nga miyembro it New People’s Army ukon NPA.
Samtang sa pihak nga parte, nagpanawagan man si Mr. Kim Sin Tuga it Bayan Aklan nga maghalin eon sa andang komunidad ro mga soldado bangud nga 45 diyas eon nga uwa imaw nakauli sa anang pamilya bangud man sa kabaeaka ag kahadlok.
Nagakugmat sigon maskin ro anang mga onga sa kada pagkakita it soldado nga naga-agi sa andang ogsaran.
