KALIBO, Aklan—Nakataeanang magdihon it Certificate of Candidacy (COC) ro grupo ni Kalibo Vice Mayor Dr. Cynthia Dela Cruz para sa andang kandidatura sa nagahilapit nga 2022 national and local elections sa Oktobre 8.
Suno sa bise alkalde, maga-atender anay sanda it misa antes magdiretso pasado alas-8:00 it agahon sa venue it COC filing.
Ginpabugae man kara nga kompleto eon ro andang line up nga ginakaeakipan nanday Sangguniang Panlalawigan member Juris Bautista Sucro nga magapadaeagan bilang alkalde samtang ro waeong aspirant councilor hay ginabilog nanday Sangguniang Bayan member Ketchie Luces, SB member Philip Yerro Kimpo, dating Kalibo Vice Mayor Madelyn Regalado, dating Sangguniang Panlalawigan member Lilian Quimpo-Tirol, dating Kalibo Mayor Raymar Rebaldo, Ex-officio member Ronald Marte, Rommelyn Flores ag Atty. Christine Candelario.
Samtang, sa Oktobre 7 sigon hay may igapatigayun sanda nga presscon.
