Nagpatigayon it hub-eag protesta ro grupong Bagong Alyansang Makabayan ukon Bayan Aklan sa Kalibo pastrana park.
Suno kay Mr. Kim Sin Tugna, provincial coordinator it Bayan Aklan nga ro nasambit nga programa hay sangka nationwide nga hilikuton kon siin tuyo kara nga ipanawagan sa gobyerno ro reporma sa eogta.
Mag-eowas kara, ginasinggitan man nanda nga mataw-an it igtaeopangod ro problema sa agrikultura.
Ginpahayag dugang nga tyempo eon ag dapat nga maghueag ro gobyerno para mataw-an it kongkreto ag nagakaigong tikang kon paano mapaumwad ro sektor it agrikultura.
Angot kara, mabaskog man ro andang ginapakita nga suporta sa kilusang mambubukid ag sa mga mangunguma bangud nga sanda makaron ro eubus nga apektado sa nasambit nga sektor.
Ginhalimbawa kara ro mataas nga presyo it abono, pesticides ag maabong iba pa.
Panawagan kara sa gobyerno nga maghueag it husto ag ita-o sa tawo ro nagakadapat nga serbisyo.
