Gina-insister makaron it grupong Gabriela Panay-Guimaras nga nagapamaeabag sanda sa ginaduso it gobyerno nga Maharlika Wealth Fund.
Ro kontrobersyal nga sovereign wealth fund hay mabuhay eon nga naga-eksister sa haeos sang gatos ka mga nasyon sa bilog nga kalibutan.
Apang, paathag ni Lucy Francisco, regional chairperson it nasambit nga kawsa nga ro mga nasyon nga may kaparehong investment hay uwa it utang sa mga kaeapit nga pungsod ag may anda nga surplus sa pondo it nasyon.
Ro proposisyon it gobyerno it Pilipinas hay uwa nagakabagay makaron nga tyempo eabi eon ag mabahoe ro utang it nasyon.
Sugae suno kana ro pagasudlon it gobyerno ag ro ginaplanuhan nga mga ahensya nga pagaboe-an it pondo hay may mga naga-eksister eon man nga shortage rason nga mas eabi pang malugmok sa kalisod ro mga nasambit nga financial institutions nga posibleng makaapekto it mabahoe sa mga pensioners sa ulihi nga inadlaw.
Maabo suno kana nga isyu ag problema ro dapat nga tutukan ag taw-an it prayoridad it gobyerno ag bukon it raya nga investment nga risgo sa bwas damlag it kada pumueoyong Pilipino.
