Ginsiguro it Grupong Pinagka-Isang Samahan ng mga Tsuper at Operator Nationwide ukon PISTON nga maging hilway ro andang igapatigayon nga protesta sa kauna-unahang State of The Nation Address ni Pangueong Ferdinand Bongbong Marcos Jr. makaron nga adlaw it Lunes, Hulyo 25.
Ayon kay PISTON national president Mody Floranda, nga apisar nakaboue sanda it permit para sa andang igapatigayon nga protesta sa bahin it Quezon hay andang hugot nga ginakondena ro naging panghadlok it Philippine National Police, nga pag-aresto sa tanan nga mga magarally nga owa it nagakaigo nga permit.
Malinaw sigon raya nga pageabag sa kinamatarong nga magpahayag it sangka indibidwal.
Dugang pa kara nga ro pagpatigayon it protesta hay para mataeopangdan it presenteng administrasyon ro minatuod nga sitwasyon it mga pumueoyo.
Kamana man ro mapanawagan nga maeakip ro pilang mga proyektong makatao it suporta sa transport sector, kapareho eon alng it pagrebisa sa oil deregulation law.
Kinahangean man sigon nga mabatian ro mga konkretong plano partikular sa isyu it West Philippine Sea kamana man ro kahauman it nasyon sa pagbalik eskwela sa buean it Agosto.
Samtang, apisar nga malipayon sanda sa gin-anunsiyo it pilang oil companies nga pagbawas sa presyo it produktong petrolyo sa adlaw it Martes hay ro pagkabaeaka nga basi magtaas it uman ro presyo it produktong langis sa oras nga matapos ro SONA .
