Gintukod ro grupong SAMBAYANAN ukon Sentrong Alyansa ng mga Mamamayan para sa Bayan ko Setyembre 16, 2018 kon siin ginakaeakipan raya it mga dating rebelde para maging kaalyado it Department of the Interior and Local Government (DILG), Philippine National Police (PNP) ag Armed Force of the Philippines (AFP) agud nga e-counter ro mga aktibidad it CPP-NPA-NDF.
Raya ro ginpaathag ni Alejando Fermano, coordinator it Sambayanan sa banwa it Kalibo kasunod sa tensyon nga nagpatunga kanda it grupong Bagong Alyansang Makabayan ukon Bayan Aklan sa rally nga andang ginpatigayon kadungan sa inagurasyon ni Pangueong Ferdinand “Bongbong” Marcos Jr. ko nagtaliwan nga adlaw, Hunyo 30.
Ginpaathag dugang nga tuyo nandang ipakilaea ro lider it bag-ong administrasyon nga ginboto it masobra sa 31 milyon it mayoryang Pilipino ag para suportahan ro anang programa kamana man proyekto sa sueod it anang termino.
Dati sigon imaw nga miyembro it Anak Bayan apang namuk-eat sa kamatuoran ag nagbalik loob sa gobyerno.
Ro grupo suno kana ni Mr. Kim Sin Tugna hay saea ro idelohiya nga ginasundan bangud nga dati eon man imaw nga narecruit it nasambit nga mga militanteng grupo.
