Gin-umpisahan eon ro Multi-Purpose Loan (MPL) plus program it Government Service Insurance System (GSIS) kun sa siin hay nagatanyag it pautang it hasta sa P5-milyon pesos halin sa P3-milyon pesos.
Sa nasambit nga programa hay ginpaeawig man ro haba it pagbayad nga hasta sa 10 dag-on halin sa dating pitong dag-on ag gin haeuganaan man ro mga requirements para sa magiging kwalipikado.
Sa idaeum it MPL Plus, ro aktwal nga kantidad hay magadepende sa mga ginabayaran nga premium ag kada buean nga suweldo it mga naga-utang.
Mag-eowas kara, ginhaeugaan man it GSIS ro mga kundisyon sa pagiging kwalipikado it mga aplikante.
Pagapasugtan man ro mga miyembrong may atraso sa andang GSIS Financial Assistance Loan (GFAL) ag housing loan nga mag-avail it nasambit nga pautang.
Apang ro andang mga atraso sa idaeum it GFAL hay igabawas sa mga natipon sa andang utang.
