KALIBO, Aklan—Uman nga ginpanindugan ni Commission on Elections (Comelec) Commissioner Rowena Guanzon nga anang igapadayun ro pagdihon it impeachment complain kontra sa anang kaibahan sa poll body nga si Commissioner Aimee Ferolino.
Raya hay sa pihak it anang nakataeana nga pagretiro makarun nga adlaw, Pebrero 2.
Suno kay Commissioner Guanzon nga masyadong obvious ro ginahimo ni Ferolino ag gintawag pa karang sangka pageabag sa Anti-Graft and Corrupt Practices Act ro pagka-delay sa desisyon angot sa consolidated disqualification case kontra sa presidential aspirant nga si Ferdinand “Bongbong” Marcos Jr.
Gin-insister pa kara nga ginhungod ro mga hitabo ag may ibang tawo nga una sa likod it nagakatabo agud nga indi eun mahuyap pa ro anang boto kamana man ro boot it sambilog pa nandang kaibahan nga si Marlon Casquejo. Dugang pa ni Guanzon nga masarangan nana nga ipaguwa ro anang separate opinion sa consolidated disqualification case kontra kay Marcos bangud nagapati imaw nga may conspiracy eun sa tunga nanda ni Ferolino ag pilang mga tawo agud nga ma-delay ro anang boto agud nga indi eun raya maaeakot pa sa matabo nga hueoyapan.
Sa pihak nga parte, plano man ni Guanzon nga maskin sa anang pagretiro bilang Comelec Commissioner hay anang igapadayun ro anang speaking engagement.
Dugang pa kara nga kung makaangkon imaw it mahaba nga tiyempo hay anang pagalibuton ro bilog nga nasyon.
Samtang, magasueat man sigon imaw it anang libro angot sa election code.
Samtang, igatugyan eun lang sigon kara sa Presidente kung iga-appoint pa imaw ukon indi.
