KALIBO, Aklan–Maga-epekto pa eamang sa buean it Pebrero ro gin-aprubahan nga guidelines it Commission on Elections ukon Comelec angot sa pagpatigayon it mga in-person campaign ag mga rally.
Raya ro ginpahayag ni Atty. Roberto Salazar, Provincial Election Supervisor it Comelec-Aklan.
Raya hay kasunod it paglibot eon it mga aspirante para sa mayo nga eleksyon eabi eon sa metro manila kun sa siin hay kaeabanan nga owa ginasunod ro health protocols sa tunga it COVID-19 pandemic.
Magiging aplikable sigon ro andang guidelines sa pebrero 8 para sa national candidates ag sa marso 25 sa local candidates.
Gindugang pa ni Atty. Salazar nga ginmanduan ro Department of the Interior and Local Government ukon DILG nga i-monitor it husto ro mga election-related activities samtang owa pa ro tiempo it kampanya.
Nagpaandam pa ro komisyon nga ro anuman nga pag-eabag sa health and safety protocols sa tunga it campaign period sa nagahilapit nga eleksyon hay makabig nga election offense.
