Kalibo Aklan ———–Ginkumpirma it Commission on Elections (COMELEC)- Aklan nga ro gun ban hay magiging epektibo eon sa maabot nga Enero 9 hasta Hunyo 8, 2022 may kaangtanan sa nagahilapit nga Mayo 9 nga eleksyon.
Suno kay Chrispin Raymund Gerardo, tagapaghambae it COMELEC-Aklan nga raya hay base sa Resolution No. 10728, kun sa siin nakabaehag nga bawae ro pagdaea it armas sa guwa it baeay ag pagbiyahe it baril ag iba pang makamaeatay nga armas sa nasambit nga period .
Mag-eowas sa mga bala ag magazine it baril, bawae man ro mga mataeum nga hinganiban .
Magapabilin nga kanselado man ro permit ro carry outside of residence , mission order ag iba pang letter orders halin sa AFP, PNP, ag iba pang law government agencies .
Ginsuhestiyon ni Gerardo nga agud nga malikawan nga maeabag ro patakaran eabi eon sa mga gwardiya, mga matansero, panday ag iba pa nga aywan lang temporaryo sa andang workplace ro andang mga gamit .
Samtang, pagataw-an it certificate of authority ro mga regular officers , miyembro ag agents it pilang pili nga taeatapan it gobyerno kaibahan ro Office of the President , office of the Vice President ag COMELEC.
