KALIBO, Aklan—Padayun nga nagadugang ro mga gun ban violators sa Aklan.
Raya ro ginkumpirma ni PSSGT Jane Vega , tagapaghambae it Aklan Police Provincial Office ukon APPO angot sa ginapatuman nga gun ban sa tunga it nagahilapit nga barangay and sangguniang kabataan ukon SK elections 2023.
Suno kana nga ro mga violators hay halin sa nagkaeain-eain nga banwa sa probinsiya it Akean.
Dugang pa ni PSSGT Vega nga seryoso ro katapo it kapulisan sa pag-implementar it nasambit nga mandu.
Saludo man sigon sanda sa mga existing nga barangay councils it mga barangay sa probinsiya it Aklan sa madasig nga pagreport it mga makarondaya nga mga hitabo.
Gina-validate pa sigon nanda ro mga report angot sa mga personalidad nga nataeupangdan nga may mga armas nga ginadisplay sa publiko.
Madasig ag aktibo man sigon ro mga kapulisan sa kada munisipyo sa pagpasa ku andang mga report may kaangtanan sa Tokhang Kontra Armas Luthang bangud padayun ro andang pagpanuktok ukon pag engganyo sa mga nagapanag-iya it baril nga may expired nga papeles.
Sa pihak nga parte, apela nana sa mga nagahupot it unlicensed firearms ukon mga loose fire arms nga iturn-over eon raya sa pinakamaeapit nga municipal police stations agud nga maka-avail sa programa it APPO nga ‘ armas baylo bugas’.
Ginsiguro man ni PSST Vega nga ro Aklan nay nagapabilin nga matawhay halin sa pag-umpisa it election period.
