NATIONAL News — Nakataeanang paga-usisaon it Philippine National Police (PNP) ro masobra sa 2,000 nga tag-ana it baril para sa verification ag accounting it mga baril bilang kaparte it pagpahaum sa seguridad para sa May 2025 National and Local Elections.
Sa press briefing nga ginpatigayon sa Camp Crame sa Quezon City, ginpahayag ni PNP spokesperson ag information chief Brig. Gen. Jean Fajardo nga magapatigayon ro Civil Security Group (CSG) it physical accounting it mga baril it mga lisensyadong may buyot it baril.
“Alinsunod sa regulatory authority ng PNP sa ilalim ng Republic Act (RA) No. 10591 o ang Comprehensive Firearms and Ammunition Regulation Act, ang mga implementing rules and regulation nito, at iba pang naaangkop na issuances, lahat ng may hawak ng lisensya at may-ari ng baril ay aabisuhan sa paparating na nationwide verification at physical accounting ng lahat ng baril na nakuha, pagmamay-ari o pagmamay-ari ng naturang mga lisensyadong indibidwal at entity,” nakabaehag sa abiso it CSG.
Ginpahayag kara nga ro inisyatibo sa pag-verify ag accounting hay ginapatigayon agud nga isueong ro kaayusan ag kaeowasan it publiko ag mga electorate.
Ginpahayag ni Fajardo nga pagasakupon anay it inspeksyon ro mga Type 5 gun owners, ukon ro mga ginapasugtan nga magbo-oe, magpanag-iya ag makaangkon it masobra sa 15 units it baril.
Suno kana nga may una nga masobra sa 2,000 nga Type 5 nga nagapanag-iya it baril sa bilog nga nasyon nga kaabuan hay sa National Capital Region.
