KALIBO, Aklan — Nadakpan sa ginpatigayon nga buy-bust operation it gintingub nga pwersa it Criminal Investigation and Detection Group (CIDG)-Aklan, Kalibo Police Station ag Provincial Highway Patrol Group ro sangka eaeaki nga nagabaligya it ilegal nga baril, bandang alas-5:00 Huwebes it hapon sa Veterans Avenue, Kalibo.
Ro suspek nga si Jomari Astejada, 33, sangka bartender ag residente it Brgy. Old Buswang, Kalibo hay nadakpan nga nagabaligya it sangka Cal. 45; magazine nga may tatlong bala; sangka matuod nga P1,000 bill, ag 27 bilog nga photocopied P1,000 boodle money.
Suno kay PSMSgt. Joey Revesencio nga si Astejada hay dati eon nga nakulong bangud sa kasong may kaangtanan sa pagduso it ilegal nga droga, apang nakahilway sa idaeaum it plea bargaining agreement it gobyerno.
Ginapahaum eon ro kasong pag-eabag sa RA 10591 ukon Comprehensive Firearms and Ammunition Regulation Act kontra sa suspek.
