WEATHER Update — Ginpabaskog it Severe Tropical Storm Bebinca ro Southwest Monsoon ukon Habagat sa pagpabilin it anang kabaskog samtang nagapaeapit sa Philippine area of responsibility , Huwebes it agahon.
Sa 11 a.m. advisory it weather state bureau, naispatan si Bebinca sa 1,930 kilometers east it Northern Luzon nga may maximum sustained winds nga 95 km per hour, gustiness nga hasta sa 115 kph, ag central pressure nga 990 hPa.
Nagahueag ro severe tropical storm sa direksyong west northwestward sa kadasigon nga 25 kph nga may “strong to storm-force winds extending outwards up to 580 km from the center.”
Bangud sa ginpabaskog nga Habagat, magatuga raya sa masunod nga 24 oras it moderate to havy rains sa Masbate, Eastern Visayas, Surigao del Norte, Dinagat Islands, Palawan, Antique, Negros Occidental, Negros Oriental, Zamboanga del Norte, Sultan Kudarat, Sarangani, ag South Cotabato.
Ginaeauman man ro moderate to rough seas hasta sa 3.5 meters sa eastern seaboard it Mindanao, western seaboard it Palawan sakop ro Kalayaan Islands, western seaboard it Visayas, eastern seaboard it Palawan, western seaboard it Mindanao, ag sa southern ag eastern seaboards it Visayas.
Ginlaygayan ro mga maintok nga saeakyang pandagat, kaibahan ro tanan nga klase it motorbancas, nga indi mageayag sa kaeawran sa idaeum it mga makarondaya nga kondisyon.
Ginaeauman nga magasueod si Bebinca sa PAR sa Biyernes it hapon ukon gabi-i ag posibleng magguwa sa Biyernes it gabi-i ukon Sabado it agahon.
Ginaeauman nga magabaskog si Bebinca bilang bagyo pag-abot it Biyernes it gabi-i.
