Uman nga nailista ro record breaking nga paghina it Philippine peso kontra sa US dollar matapos nga magsarado kahapon nga adlaw it Martes sa P58.99.
Base sa record it Bankers Association of the Philippines ukon BAP, raya eon ro ika-limang sunod-sunod nga trading day nga sumadsad it husto ro piso.
Ginpahayag it pila ka mga analyst nga inde eon sanda masorpresa kon maganaba pa ro haega it piso it hasta sa P60 katumbas it sangka dolyar.
Sa pihak kara, ginpakalma it Bangko Sentral it Pilipinas (BSP) ro publiko nga uwa dapat it ikabaeaka bangud nga nakabantay sanda para protektahan ro piso ag inflation rate sa nasyon.
Ginaeauman nga makabawi sigon ro piso antes magtapos ro dag-on bangud nga magabuhos pa ro mga US dollars nga remittances halin sa mga overseas Filipinos.
Nauna eon nga gin-ako it BSP nga bukon it maeayo nga magtaas sanda it interest rates kon padayon nga magabaskog pa ro dolyar ag magapasilabot pa ro Federal Reserve it Amerika.
