Haeos 100 katawo ninahan sa banggaan it tren sa Tunisia

Naga-abot sa haeos sang gatos ro ninahan  sa natabo nga banggaan it daywang tren sa Tunisia.

Suno sa awtoridad, natabo ro aksidente sa bahin it Jbel Jelloud.

Ginpasiguro man ni Civil Defense Spokesman Moez Triaa nga owa it namatay sa aksidente ag sambilog eamang sa mga tren ro may sakay nga mga pasahero.

Kaabuan sigon sa mga naninahan nga indibidwal hay nag-angkon it gaob ag fractures.

Ginpahayag man it awtoridad nga bukon pa it klaro kung ano ro rason it aksidente ag padayun pa nanda raya nga gina-imbestigahan.