Nagaabot sa 149,896 nga mga kubos nga pamilya sa Western Visayas nga kaeabanan hay benepisyaryo it Pantawid Pamilyang Pilipino Program (4Ps), ro makabaton it libreng kuryente sa idaeom it Lifeline Rate Subsidy Program it gobyerno.
Suno sa Department of Energy (DOE), makabuoe ro mga kwalipikadong pamilya it 100 porsiyentong diskuwento sa konsumo it kuryente nga hasta it 50 kilowatt-hours (kWh) kada buean, rason nga magiging libre ro andang baeayran kon inde mag-eampas sa nasambit nga limitasyon.
Kaibahan sa pwedeng makapanipueso ro mga 4Ps beneficiaries ag iba pang pamilyang una sa poverty threshold nga gintaeana it Philippine Statistics Authority, basta’t sueod sa lifeline consumption rate nga gintaeana it Energy Regulatory Commission.
Punterya it gobyerno nga umabot sa tatlong milyong benepisyaryo sa bilog nga nasyon ag masobra sa 300,000 nga kabaeayan eon ro nakapanipueos sa programa sa makaron.
Sa Western Visayas, kaibahan sa mga kwalipikado ro 76,310 halin sa Iloilo, 25,028 halin sa Capiz, 21,425 halin sa Antique, 21,021 sa Aklan, ag 6,112 sa Guimaras.
