KALIBO, Aklan—Nagnaba pa sa 17 ro aktibong kaso it covid-19 nga padayong ginamonitor it Aklan Provincial Health Office.
Raya hay sandig man sa updated nga datos nga ginpaguwa it Aklan Provincial Epidemiology Surveillance Unit it PHO.
Sa nasambit nga numero, 13 ro presenteng una sa quarantine facility; daywa ro naka-home quarantine kamana man daywa ro admitted sa gintaeana nga covid-19 hospital.
Pitong kabanwahanan sa bilog nga probinsya it Aklan ro uwa eon it aktibong kaso it deadly virus nga ginakaeakipan it Makato, Malinao, Lezo, Altavas, Balete, Libacao ag Buruanga.
Sa kabilugan, ro bilog nga probinsya it Aklan hay nakalista it 12,632 nga kaso it covid-19 kon sa siin 12,294 kara ro mga nagmayad kamana man nagapabilin sa 321 ro numero it mga binawian it hueam nga kinabuhi halin kat nag-eopok ro pandemya.
