KALIBO, Aklan—Matapos ro naexperiensiyahan nga grabeng snow storm ko nagtaliwan nga mga inadlaw sa haeos 17 nga estado nga naka-apekto sa sentro it Amerika paagto sa northeast, uman nga nagapahaum ro mga pumueuyu sa ginaeauman nga pagpanaeasa eon man it kapareho nga kaeain it tiempo sa masunod nga domingo.
Suno kay Bombo International Correspondent Boots Felixberto it Washington DC, USA nga sa makaron hay kalmado eon ro sitwasyon.
Kapin sa daywang adlaw suno kana nga nagpanaeasa ro snowstorm nga nakalista it kapin sa 500 nga mga tawag sa 911 bangud sa mga aksidente tuga it madanlog nga karsada.
Naging madamoe suno kana ro snow sa pilang estado eabi eon sa New Jersey ag Chicago nga naputos it haeos 30 inches.
Samtang, bangud man sa snowstorm pilang estado kapareho it New York, Massachusettes ag iba pa ro nag suspinde it andang vaccination program para sa covid 19 bangud sa maeamig nga tiempo ag madamoe nga snow.
Ginadeploy sigon sa mga apektadong lugar ro salt trucks agud nga magsabwag it mga asin nga makabulig sa pagtunaw it snow.
