Humampak eun sa sobra 4 milyong indibidwal ro numero it mga naapektuhan sa magksunod nga mga bagyong tumama sa nasyon base sa datos it National Disaster Risk Reduction and Management Council (NDRRMC) kahapon nga adlaw it Biyernes, Nobyembre 22.
Ro Bicol region ro nakalista it pinakamataas nga numero it mga indibidwal nga naapektuhan nga una sa magsobra 1.9 million.
Ro nasambit nga rehiyon hay ro pinaka-eubos nga gindaeasa it bagyong ‘Kristine’ ag bagyong ‘Leon’.
Pangaywa man ro Cagayan Valley kun siin una sa 809,637 indibidwal ro naapektuhan.
Matandaan nga sa Cagayan nag-landfall ro bagyong ‘Ofel’.
Samtang sa Eastern Visayas may 408,593 indibidwal ro apektado samtang sa Central Luzon man hay una sa 331,531 indibidwal.
Sa makaron, may una gihapon nga 244,492 katawo ro nagapabilin sa mga evacuation center sa bilog nga nasyon.
Sa pinakahuling datos man it ahensiya, nag-aywan ro 3 magkasunod nga bagyo it 12 katawo nga namatay halin sa Cagayan valley, Central Luzon ag Cordillera Administrative Region (CAR).
