KALIBO, Aklan—Haeos 50 porsiyento eun it populasyon sa United States of America ro nabakunahan it COVID-19 vaccine.
Suno kay Bombo International Correspondent Pinoy Gonzales it Houston Texas, U.S.A nga kapin eun sa 320 million nga mga residente sa Amerkia ro naturukan it bakuna kontra covid-19.
Target man it gobyerno sa nasamibtan nga nasyon nga matapos ro andang vaccination program antes nga mag-abot ro Hulyo 4, 2021 , ro andang ginakabig nga independence day.
Ginpahayag dugang nga bukon eamang it mga US citizen ro ginabakunahan idto kungdi pati man ro mga turista.
Bukas man para sa tanan ro bakuna kung sa siin raya hay gintao eamang it libre.
Samtang sa pihak nga parte, ginapahayag man ni Bombo International Correspondent Gonzales nga sa makarun hay bukon eun it mandatory ro pagsuksok it face mask sa Houston, Texas, U.S.A ag nakadepende eamang sa sangka indibidwal kung gusto karang magsuksok ukon indi.
Bukas man ro tanan nga mga establisiyemento ag gina-obliga eamang ro mga tawo nga magpatuman it 2 meter nga physical ukon social distancing.
