Haeos 6-K residente nagbakwit bangud sa pag-alburuto it Taal Volcano – PDRRMO

Sumaka eon sa 5,693 residente ukon katumbas it masobra 1,500 nga pamilya ro ginbakwit sa banwa it Agoncillo ag Laurel sa Batangas kasunod it pag-alboroto it Taal Volcano ko Sabado.

Ginpahayag it head it Batangas Provincial Disaster Risk Reduction and Management Office nga si Lito Castro nga 1,541 ro kabilugan nga numero it mga pamilya nga presenteng nagapabilin sa evacuation center.

Ro mga raya hay parehong residente it mga lugar nga sueod sa 7-kilometer danger zone maeapit sa Taal Volcano.

Ginpasiguro man ni Castro nga hugut nanda nga igapatuman ro health and safety protocols sa pasilidad.