Haeos 65-M Pinoy, fully vaccinated eon; 11-M nakabuoe eon man it booster shots

Humampak eon sa kabilugan nga 139,454,246 doses it COVID-19 vaccine ro naiturok sa bilog nga nasyon.

Kabilugan nga 64,838,213 Filipinos man ro nakumpleto eon ro andang primary doses ag 11,291,687 sa mga raya ro nakabaton it booster shots.

Base sa pinakaulihing datos halin sa National Task Force (NTF) Against Covid-19, masobra 10 million sa idaeom it lima hasta 11-anyos nga bracket ro nakabuoe eon it andang coronavirus shots.

Ginakaeakipan raya it 381,433 nga mga unga ro fully vaccinated ag masobra 9.7 million sa 12 hasta 17-anyos nga age group ro nakakumpleto eon it daywang primary series.