Ginsumite it prosecutors it International Criminal Court (ICC) sa defense team ni dating Pangueong Rodrigo Duterte ro dugan nga 6,909 piraso ng ebidensiya antes ro nakataeanang pagbista sa Nobyembre 30.
Sakop it mga materyal ro mga dokumentong ginsumite halin Enero 7 hasta Hulyo 31.
Sa kabilugan, 4,573 ro klasipikadong tangible evidence, samtang 2,279 ro ginakabig nga incriminating evidence nga may kaangtanan sa mga pagpatay sa kampanya kontra ilegal nga droga, kaibahan ro mga dokumento angot sa barangay operations, high-value targets ag sina-alegar nga Davao Death Squad.
Samtang, 57 ebidensiya ro ginklasipika bilang potentially exonerating ukon posibleng makabulig sa depensa, kaibahan ro mga impormasyong posibleng magpahina sa kredibilidad it mga testigo.
Buyot eon makaron it ICC Trial Chamber III ro mga materyales bilang parte it pagpahaom sa pagbista, samtang nagapabilin nga confidential ro mga dokumento sa tunga it prosecution ag defense.
