KALIBO, Aklan—Haeos 80 porsiyento it Filipino community ro naturukan eon it bakuna kontra COVID-19 sa Israel gamit ro Pfizer/BioNTech vaccine.
Raya ro ginkumpirma ni Winston Santos, founder ag managing director it national alliance of Filipino community sa nasambit nga nasyon.
Suno kana nga kaabuan man sa mga pumueuyu sa nasambit nga nasyon hay nakabaton eon it bakuna rason nga makabig eon sanda nga COVID-free ag balik eon sa normal ro andang pagpangabuhi.
Pamatuod sigon kara nga ginpasugtan eon ro mga pumueuyu nga magguwa nga owa nakasuksok it face mask.
Padayun man ro pagnaba it numero it mga bag-ong kaso idtu it deadly virus.
Gindayaw man ni Santos ro pag-atubang it Israel sa pandemya bangud nga mag-eowas nga libre ro bakuna, ro tanan nga mga workers, may dokumento man ukon owa ag makaangkon it COVID hay ginataw-an it nagakaigo nga medikasyon.
