KALIBO, Aklan — Nagpaandam ro Boracay Inter Agency Management and rehabilitation Group (BIAMRG) nga maabu pang pasaway nga establisimento ro igapasarado sa isla it Boracay.
Suno kay Natividad Bernandino, general manager it BIAMRG nga maabu ro naga-gamit it mga Pilipino bilang dummy agud nga makapatindog it negosyo sa isla.
Raya hay kasunod it pagpasarado sa 11 nga establisimento nga gina-alegar nga ginapanag-iyahan it mga negosyanteng Chinese ag Koreans ko Mayo 22 bangud sa kapas-eawan nga makapa-renew it andang mga permits.
Dugang pa ni Bernandino nga ginapahaum eon nanda ro kaso kontra sa mga illegal dummy violators.
Padayun sigon ro pag-abu it mga dumueuong nga naganegosyo sa Boracay pagkatapos nga uman raya nga buksan sa publiko ko Oktubre it nagtaliwan nga dag-on bangud sa padayun nga pag-umwad it industriya it turismo.
Ginasugid nga 90 porsiyento it mga dumueuong nga establisimento sa Boracay ro nagagamit it Pinoy dummy nga gina-obra nanda nga manager nga may sweldo nga P5,000 hasta P20,000 kada buean.
