KALIBO, Aklan—Haeos 90 hasta 95 porsiyento ro nadueang kita sa Kalibo International Airport makaron nga may paeag it Coronavirus Disease 2019 (COVID-19).
Suno kay Engr. Eusebio Monserate Jr., head it Civial Aviation Authority of the Philippines ukon CAAP-Aklan nga makaron hay naga-average eon lang sa 50 nga pasahero ro naga-abot sa paeuparan kada adlaw kumpara sa linibung pasahero antes ro pandemya.
Mag-eowas kara may mga kahigayunan nga kanselado ro pag-uli it mga locally stranded individuals bangud sa mga ginapatuman nga moratorium it nagkaeain-eain nga mga LGUs sa Aklan.
Ginpahayag dugang nga nabatyagan nanda ro epekto bangud nga sambilog ro aviation sa mga grabeng naapektuhan it COVID-19 pandemic.
Sa makaron hay hugut nga ginapatuman sa KIA ro minimum health protocols para sa kaeowasan it tanan.
Sa pihak nga parte, kon medyu bukon it manami ro daea it 2020 sa bilog nga kalibutan bangud sa covid -19, may mayad man raya nga daea nga balita bangud nga eubusan eon nga nadeklara ro paeuparan bilang certified international airport.
Raya hay gin-isyu ko Disyembre 28, 2020.
