-- ADVERTISEMENT --
KALIBO, Aklan—Ginkumpirma ni Ibajay mayor ag League of the Municipality of the Philippines ukon LMP-Aklan chapter president Jo-en Miraflores nga haeos naga-operate eon ro tanan nga mga lisensiyadong bueangan sa probinsiya it Aklan.
Apang bangud nga “new normal” limitado eamang sa 11 nga katawo ro pwedeng makasueod sa bueangan.
Bawae kara ro live audience kamana man ro online ag remote betting ag live broadcast it bueang.
Kabaliskaran sa nakasanayan, bawae man ro magsinggit samtang may bueang.
Instrikto man suno kay mayor Miraflores nga ginapatuman ro health and safety protocols agud nga malikawan ro pagkalhit it makamaeatay nga virus.
-- ADVERTISEMENT --
Ginaeauman nga pinaagi kara hay malikawan eon suno kana ro bueo-bueo ukon illegal cockfighting.
