KALIBO, Aklan–Ginpaathag it sangka political analyst sa probinsya it Aklan nga sa makarun hay nakabinag-binag eun ro haeos tanan nga mga pomoeuyo kung sanday sin-o ro andang pagabotohan sa mga kandidatong nagapapili halin sa manaba hasta sa mataas nga posisyon sa gobyerno.
Suno kay Dr. Malyn Villanueva nga ro pilang adlaw eun lang nga nabilin antes ro May 9 national and local elections hay owa eun it mabahoe pa nga epekto sa desisyun it publiko.
Samtang nagapati man imaw nga owa eun it pagbag-o pa ro resulta it survey bangud maskin ro 1 percent ukon 2 percent hay malisod eun nga maeagas pa.
Sa pihak kara, waea tuo sigonmakarun ro pagbaka-baka it mga kandidato agud nga mas maabot pa ro maabong mga lugar mas kapin ro may mabahoe nga numero it mga botante.
