Nagapanawagan ro Archdiocese of Manila sa mga parokya kara nga magtipon it hagamit eon nga mantika ukon used cooking oil agud nga iproseso ag obrahon nga biodiesel, kadungan it padayun nga krisis sa langis bangud sa tensyon sa Middle East.
Suno sa Archdiocese, ro tikang hay sabat sa ginaeauman nga pagtaas it world demand sa langis ag nagataas nga presyo it fuel.
Ginpaathag kara nga maga-agi sa tamang proseso ro nakolektang mantika kapareho it collection, pre-treatment, transesterification, ag purification pinaagi sa Ministry of Integral Ecology bago maging biodiesel.
Sa idaeum it programa, magataeana ro kada parokya it collection point, paga-enggganyuhon ro mga parishioner nga mag-tipon it used oil sa malimpyo nga bueutangan ag makaangkon it regular nga koleksyon ag processing.
Suno sa Archdiocese, tuyo it inisyatibo nga makabulig sa kalikasan ag maskin paalin hay mapahagan-hagan ro pressure sa suplay it enerhiya sa tunga it pagtaas it presyo it langis nga tuga it kinagamo sa Middle East.
