Ginpaathag ni Atty. Harry Sucgang nga posibleng ro numero unong katuyuan ni Senador Ronald Dela Rosa sa anang gindihon nga hagna angot sa pag-decriminalize sa mga nagagamit it ilegal nga droga sa Pilipinas hay bangud nga nagapanggutok eon ro mga nagapangunang kulungan sa nasyon nga eaban sa mga preso hay may kaso angot sa illegal nga droga.
Ginpahayag dugang nga posibleng nakit-an it senador nga pwede pang madaea sa rehabilitation pinaagi sa mga social workers ro mga users nga gustong magbagong buhay.
Sa pihak kara, dapat gid nga masakote ro mga manufacturer it illegal nga droga bangud nga kon uwa it naga-obra hay uwa man it nagagamit ag raya sigon ro nagakadapat nga obrahon.
Mag-eowas kara, mas makapamayad suno kana kon magtukod eon lang it mga pasilidad ukon kulungan sa rehiyon agud idto ibutang ro mga nasentensyahan sa nagkaeain-eain nga kaso ag mas maeapit pa para sa andang pamilya kon magbisita sa mga raya.
Nauna eon nga nakaangkon it pagpamati ro Senate Commitee on Public Order and Dangerous Drugs kon siin naistoryahan ro nasambitang decriminalization.
Suno kay Dela Rosa, suportado it Department of Health ro gusto kara nga tikang.
