Eusot eon sa komite ro hagna nga butangan it “excise tax” ro mga plastic bag.
Sa ginpatigayon nga House Committee on Ways and Means, gin-aprubahan ro substitute bill it House Bill 220 ag 1811.
Sa idaeom it hagna, pagabutangan it P20.00 excise tax ro kada kilo it plastic bag.
Bangud kara eauman nga iga-engganyo ro mga consumer nga maglikaw sa plastic ag magamit eamang it environment-friendly nga mga eco-bags.
Samtang dugang-revenue ro excise tax para sa gobyerno,eabi eon gid para sa mga programa kapareho it pagpatuman it Ecological Solid Waste Management.
Tuyo man it hagna nga maprotektahan ro palibot maghalin sa paggamit it plastic bags, nga ginakunsiderang “major pollutant” ag nakaka-apekto man sa palibot ag “climate change apang ro Philippine Plastics Industry Association Inc (PPIA) man hay kontra sa proposisyon bangud direktang maapektohan kara ro industriya.
