Hagna para sa pagtao it P2K transportation allowance sa mga empleyado it gobyerno, ginaduso sa Senado

Ginaduso makaron sa Senado  nga  maging laye ro hagna nga  mataw-an it  transportation allowance  ro  mga empleyado it gobyerno.

Gindihon ni Senator Mark Villar ro  Senate Bill 1625 bangud  mabahoe sigon ro  porsyon it ginasweldo it mga empleyado it  gobyerno hay naaagto sa pamasahe ukon sa gasolina.

Sa idaeom it nasambit nga hagna, tanan nga  mga empleyado it gobyerno nga may permanent status hay sakop nga matugyanan it  transportation allowance.