Sangka panukalang batas ro gindihonn ni Davao City 1st District Rep. Paolo “Pulong “ Duterte nga sambilog eamang nga hair follicle drug test ag confirmatory urine test ro mga opisyal ag empleyado it gobyerno kaibahan ro pangueo para sa handum nga maging drug free ro nasyon.
Suno sa House Bill 10744, daywa ro himuon nga paagi it testing.
Ro hair follicle drug test nga magaserbing screening tests ag ro urine drug test man ro confirmatory test para sa mga magapositibo sa unang test.
Base sa HB 10744, ro drug test certificate hay magiging valid sa sueod it sang dag-on.
Ro random drug test it mga elected ag appointed officials sa gobyerno hay himuon kada an-om nga buean.
Gindugang pa kara nga ro otorisadong magtatap sa drug testing hay ro mga forensic laboratory it gobyerno ag maging ro mga drug testing laboratories nga may akreditasyon sa Department of Health (DOH) ag ro resulta it drug test hay balido sa sueod it sang dag-on.
