KALIBO, Aklan — Nag-apela ro pilang konsehal sa Sangguniang Bayan (SB) it Malay nga palig-unon sa mas madaling tyempo ro proposisyong relocation site para sa mga vendors nga nawad-an it pangabuhian sa an-om nga bueang rehabilitasyon it Boracay.
Apisar nga nagbukas eon ro isla sa mga turista ko Oktubre 26 hay uwa pa sigon it trabaho ro kapin sa 300 vendors nga kaeakip sa Malay Boracay Vendors Association (MABOVEN) kabangdanan nga nagpabulig sa konseho.
Suno sa SB-Malay nga hasta sa makaron hay uwa pa naisapinal it Boracay Inter-Agency Task Force ag lokal nga gobyerno ro relocation site para sa nasambitang mga vendors nga ginbawaeang magbaligya sa beachfront halin ko Boracay reopening.
Gin-insister pa nanda nga kinahang-eang matumod it LGU ro lugar nga pagabutangan kanda ag magtaeana it pondo para sa pagpatindog it public market sa Boracay.
