Ham-an nagakanugon si Ogie Diaz kay Liza Soberano?

Inde malikawan it talent manager nga si Ogie Diaz nga magkanugon sa karera it dating alagang si Liza Soberano iya sa Pilipinas.

Suno kay Diaz, naapektuhan imaw sa mga negatibong komento sa aktres patumod sa ginatahak kara nga bag-ong daean sa anang showbiz career.

Apang, gusto eon lang sigon nana nga intindihon ro mga desisyon ni Soberano kapin eon ag iba ro anang management sa Amerika kon sa siin imaw nagatinguha nga makabilog it pangaean.

Ginpakigbahin man nana nga base sa nakaabot kana, uwa na-hack ro social media accounts ni Soberano kundi sa baylo ginatan-aw ni Diaz nga kaparte raya it “rebranding” it artista.

Ko nagtaliwan nga dag-on hay nagsaylo it management si Soberano sa idaeom it Careless Music sa pagpanguna ni James Reid.