HEALTH News–Nagatambok ro sangka tawo bangud nga sobra ro anang ginakaon ag kueang sa exercise.
Bangud kara hay natipon ro tambok sa eawas.
Pila pa sa mga rason it pagtambok hay kon nagaka-edad ro sangka tawo eampas sa 30 hasta 40 anyos, mas nagabahoe ro bilbil bangud nga nagahinay ro atong metabolism ukon ro paghueag it organs it eawas.
Sa mga mas bata, maskin nga magkaon sanda it abu hay owa masyadong nagatambok bangud nga aktibo sanda ag madasig pa ro andang metabolism.
Samtang, ginklaru it mga eksperto nga bukon it makataeambok ro tubi , maeamig man ukon mainit.
Owa it calories ro tubi.
Owa raya nagapabahoe it bilbil ag sa baylo hay nagapaniwang ro tubi.
Maglikaw sa tanan nga mga juices, iced tea ag soft drinks.
Makataeambok ro mga juices kapareho it pineapple juice, energy drinks, ag bottled teas.
Bukon man sigon it makataeambok ro pagkatueog sa hapon.
Samtang sa pangutana kon pwede baea nga mag-ehersisyo pagkatapos mag-unga?
Sa mga bag-ong unga ukon bag-ong CS, magpangutana anay sa inyong OB-gyne kun puwede eon nga mag-ehersisyo.
Kaeabanan nga kinahangean nga maghueat it an-um nga domingo antes nga mag-umpisa it maugan nga ehersisyo.
