Ham-an nga nagatambok ro sangka tawo.
Ano ro maeain nga epekto it mataas nga timbang it eawas.
Kaeabanan nga gina gutom it mga tawo ro andang kaugalingon agud nga magniwang.
Kon nabudlayan sa pag-diyeta, ano ro mga madaling laygay nga puwedeng obrahon?
Suno sa mga eksperto nga nagatambok ro sangka tawo bangud sa sobrang pagkinaon ukon kueang sa ehersisyo.
Kon sobra ka sa timbang, mas madali kang makaangkon it mga sakit kapareho it diabetes, sakit sa puso, high blood pressure ag arthritis.
Bukon it mayad ro pag-inom it mga slimming pills.
Kaabuan kara hay may halong pampa higku ukon laxatives ag ikaw hay magahigku.
Puwede kang maubusan it sustansiya sa eawas ag bumagsak ro potassium sa dugo.
May nagakamatay sa sobrang naba it potassium.
Mabudlay nga magpaniwang apang masarangan raya nga obrahon.
Hayra ro pila sa mga tips : Magdiyeta ag magbawas it pagkaon.
Kun dati hay daywang tasang humay ro nagakaubos , makaron hay obrahon nga sangka tasa eang.
Maglikaw sa softdrinks, iced tea ag canned juices.
Puno raya it asukar ag madasig nga makapatambok.
Tubi eang ro dapat nga imnon bangud nga owa raya it calories.
Hueag-hueagon ro eawas.
Maggamit it hagdanan, magtikang imbes nga magpungko, maglimpyo it baeay ag iba pang aktibidad.
