Sangka hamburger nga himo it sangka restaurant sa Netherlands ro nakalista it world record bangud sa mahae nga presyo kara!
Ginkumpirma it records keeping organization nga Guinness World Records nga ro hamburger nga ginatawag nga ‘The Golden Boy’ ro presenteng may buyot it titulong “Most Expensive Hamburger” bangud sa presyo kara nga £4,295 ukon katumbas it P321,000.
Suno sa restaurant nga naghimo kara nga De Daltons, naputos ro buns it The Golden Boy it edible gold leaf ag ro mismong dough kara hay may halong Dom Perignon champagne.
Ro patty man kara hay himo sa Wagyu beef ag may garnish raya nga caviar ag king crab.
May palaman man raya nga onion rings nga battered sa maeahaeon nga champagne.
Sa mga nakasamit eon kara, may una sigon raya nga sweet, sour, salty, bitter ag umami nga lasa.
Matapos makabaligya it unang order it The Golden Boy, iga-donate it De Daltons ro kabaeak-anan kara sa sangka local food bank nga nagapakaon sa mga pobreng mga residente it Voorthuizen, Gelderland, Netherlands.
