-- ADVERTISEMENT --
Gina-abangan it maabu nga Pinoy fans sa Qatar ro pagsabak ni Alex Eala sa WTA 1000 Qatar Open.
Maka-atubang kara ro Czech player nga si Tereza Valentova.
Si Valentova hay may mas manabang ranking nga 44 kumpara kay Eala nga una sa ranked 45.
Ulihing nagka-atubang ro daywa ko nagtaliwan nga Oktubre 24, 2025 sa Round of 32 it Japan Women’s Open apang napas-eawan ro Pinay tennis star.
-- ADVERTISEMENT --
Ro 5-foot-9 ag righthanded nga si Valentova hay 18-anyos pa eamang kun sa siin nakasueod raya sa main draw it Qatar Open bangud nga ginpiyerde nana sanday Ella Seidel ag Arina Rodionova.
Madumduman nga bag-o eamang nga naghalin sa Abu Dhabi Open si Eala kun sa siin napas-eawan imaw sa quarterfinals.
Pagahiwaton ro hampang it daywa Lunes it gabi-i, Pebrero 9.
