KALIBO, Aklan – Masakit nga ueo, eagnat, blisters sa baba, alima ag siki dugang pa ro sore throat hay pila sa mga sintomas it hand, foot and mouth disease.
Suno kay Dr. Philip Ian Prieto Padilla, professor in microbiology nga raya hay daea it virus nga makita sa palibot.
Mahimo kara nga hawaaan ro mga inunga ag eapsag bangud nga sanda ra hay may manaba nga immune system.
Nagaguwa sigon ro mga nasambit nga sintomas, mga pilang adlaw matapos ro pagkaexpose.
Apisar sigon nga indi raya makamaeatay kinahangean gihapon nga bueongon ro eagnat ag blisters.
Samtang, pagklaro nana nga indi man matapnan ro sangka unga kun mabaskog ro anang immune system apang kun matapnan gid man hay eagnat eamang ro anang agumon.
Dugang pa nana nga uwa man raya it epekto sa internal organs it sangka tawo kundi sa guwa eamang kun siin panit eamang ro gusto it virus.
Uwa man sigon it ibang eksamniasyon para masayuran ro masakit mag-euwas sa sintomas.
Laygay man it doktor nga dapat maging malimpyo pinaagi sa paghugas it alima ag insigida nga magpakonsulta sa doktor ingkaso nga may makaraya nga masakit.
