Sangka French luxury brand kan-o eamang ro nag-anunsyo nga igapaguwa eon nanda ro limited-edition bag nga himo halin sa meteorite ukon bulalakaw nga nahueog halin sa kaeangitan!
Bilang kaparte it andang Fall/Winter 2023 collection, nag obra ro fashion brand nga Coperni it sangka kakaibang handbag nga gin-hurma halin sa sangka bulalakaw.
Gintawag ro bag nga “Mini Meteorite Swipe bag”.
Kakorte kara ro pinasikat nga disenyo it Coperni, ro “Swipe Bag” apang mas maga-eas ro pagka obra kara bangud nga gina ukit raya halin sa matuod nga bulalakaw.
Suno sa spokesperson it Coperni, ro mga bulalakaw nga gin ukit hay nahueog sa Earth ko 55,000 years ago.
Magkaiba ro itsura it mga bulalakaw rason nga kada bag hay unique ag may sangkiri nga kinaiba sa korte ag kulay.
May sukat ro bag nga 9 x 12 x 23 centimeters ag may bug-at nga 2 kilograms.
Nagakinahangean it kabaskog a ekstrang effort sa pagbitbit kara eabi eon kon maabu nga abubot ro igabutang sa sueod.
Pwedeng mabakae ro lalagay sa bag sa official website it Coperni ag nagabalor it 40,000 Euros (katumbas it P2.3 million pesos) ro bag.
Made-to-order ro kada bag ag paga abuton it an-um nga domingo antes raya nga ma-deliver
