-- ADVERTISEMENT --
KALIBO, Aklan — Nagapabilin ro kahauman ni Sangguniang Panlalawigan member Nemesio Neron nga magpadaeagan bilang alkalde it banwa it Banga.
Suno kana nga kon taw-an it kahigayunan hay gusto nana nga maskin sa ulihing parte it anang kabuhi hay makaserbisyo sa mga Banganhon.
-- ADVERTISEMENT --
Mabuhay eon sigon nana nga handum ro nasambit nga posisyon, apang bangud nga naka-affiliate sa Tibyog Akean hay kinahangean nga respetuhon ro desisyon it partido .
Nasayuran nga ulihing termino eon ni Neron makaron bilang provincial board member .
Aminado man imaw nga nag-volunteer imaw kato nga maging vice mayor sa kandidatura ni Banga Mayor Boy Redison , apang ibang posisyon ro gintau kana.
