Grabe ro kapigaduhon nga daea it pandemya.
Ro masubo, mas ginapa-grabe pa it mga abusado.
Haeos sunud-sunod ro napabalitang kaso it pagpaeusot it mga imported nga produkto, kapareho it mga tinuea.
Maabu nga mangunguma ag negosyante it mga tinuea sa Benguet ro napilitang ipilak eon lang ro andang mga produkto bangud nga owa ginabakaw tuga it pagbaha it mga imported nga tinuea sa nasyon.
Raya hay klaru nga pagpanabotahe sa ekonomiya.
Rason nga ro hangkat sa gobyerno, pasakaan it kaso ro mga eakot kara nga owa it nagakaigo nga piyansa.
Bukon it maskin madakpan it tone-toneladang ginpaeusot nga tinuea tapos sangkiri eamang ro multa ag owa pa it may nakulong sa mga likod it ilegal nga hilimuon.
Dapat pamatud-an it gobyerno nga seryoso raya nga matuldukan ro smuggling nga grabeng nagapabudlay sa mga mangunguma ag negosyante.
Paalin kita nga makabangon kon may mga abusadong nagahueag.
Haeos owa eon ngani nagahandum nga mag-manggaranon ro mga una sa sektor it agrikultura, ro handum eon lang hay maeampasan ro kada adlaw nga may mapakaon sa pamilya.
Sa mga smuggler ag kun may kasabwat man sa gobyerno, makonsensiya man kamo!
